Gipuzkoako Foru Aldundia
- Lotura hau leiho berri batean irekitzen da: Irisgarritasuna
- Lotura hau leiho berri batean irekitzen da: Harpidetza
Gaztemaniak 2009
Hurrengo Kontzertua
MARTHA WAINWRIGHT
MIREN
- Eguna: 2009ko ekainak 18
- Lekua: ZARAUZKO GAZTELEKUA // 5€
- Ordua: 20:00
Martha Wainwright
Martha Wainwright Montrealen jaio zen 1976an eta musika barru-barruan daraman artista eta folk-pop abeslaria dugu. Talentu ukaezina du; batzuetan xuxurlatu egiten duen ahotsa, beste batzuetan, berriz, ikaragarria. Hala, gero eta kalitate handiagoa ari da lortzen argitaratzen duen disko bakoitzean. Talentuaren zati bat genetika kontu hutsa dela esan genezake; izan ere, artisten alaba, iloba eta arreba baita. Bere amak eta izebak Kate & Anna McGarrigle bikote ezaguna osatu zuten; aita, berriz, Loudon Wainwright III abeslaria eta konpositorea da; eta bere neba Rufus Wainwright da, egungo musikaren printzeetako bat.
Musika txiki-txikitatik abestu eta ikasi du, eta garaiz hasi zen familiako ibilbide musikaletan parte hartzen. Beste hainbaten artean, bere neba Rufusen bokalista da, eta haren musika itzulietan ere hartzen du parte. Baina hori guztia aldatu egin zen bere lehen diskoa argitaratzean: Martha Wainwright (2004 Zöe Records). Harrezkero, nabarmentzen hasi da talentudun eta baliabidedun artista gisa. Kritikarien arabera, folk musikaren bitxia dugu.
Baina bigarren diskoa kaleratzean, I know you´re married but I´ve got feelings too (2008 Shock Records), Marthak ahoa bete hortz utzi gaitu. Bere ahots dantzaria goxotasunaren eta indarraren artean mugitzen da eta haren konposizio guztiei ukitu malenkoniatsu arraro bat ematen die.
Lotura hau leiho berri batean irekitzen da: http://www.myspace.com/marthawainwright
Miren
Betidanik izan dut sormenerako grina...besteen abestiak abestuz urte mordoxka bat egin dudan arren...baina hor izan dut beti...pianoan eseri eta neure barneko notak kanporatzeko behar hori: batzuetan alaiak...besteetan tristeagoak...piskanaka...nota hoiek batuz...doinuak sortu dira...neure doinuak...eta deskubritu dut...zein ederra den norberak sortutako melodia hoiek..kantatu ahal izatea...horixe eskaintzera nator...nire kantuak...besterik ez...azken urteotan izan ditudan bizipenetatik sortu den musika.
Zorionez...beti izan ditut bidelagun bikainak...haiei esker...askoz errazagoa izan da nire ametsa egi bilakatzea...nire musikari hitzak jarri dizkieten hainbat lagun...(P.Aristi...A.Serrano...X.Euzkitze...A.Egaña...I.Iruretagoeina...A.Aranburu...) eta nola ez...nire donuei...disdirarik ederrena ateratzen dien...Antxon Sarasua. Denei esker mila bihotz-bihotzez...
Lotura hau leiho berri batean irekitzen da: http://www.myspace.com/mirenfernandez
