Glen Matlock funtsezko pertsonaia da punk-rockaren sorrera ulertzeko. 70eko hamarkadan industria diskografikoaren iraultza eragin zuen Sex Pistols taldeko kide fundatzailea da. Glenek idatzi zituen Pistols taldearen abesti arrakastatsuetako batzuk: ”God Save the Queen”,”Pretty Vacant”,”Holidays in the Sun”…eta taldea goren-gorenean zegoenean desagertu egin zen bere hurrengo taldea izango zenaren eraketan murgiltzeko: The Rich Kids.

Musika munduan daramatzan ia 30 urtetan ondoko talde hauetan jo du: Sex Pistols, Iggy Pop, Johnny Thunders, Dead Man Walking eta 3 disko paregabe kaleratu ditu bere taldearekin: The Philistines.

Liburu interesgarri bat ere argitaratu du ”I Was a Teenage Sex Pistol” Sex Pistols taldean bizitako abenturak kontatuz eta 1977an Londresen gertatutako punkaren sorreraren berri emanez, Glen bera giltzarri izan baitzen gertaera horretan.