Texasetik datorkigun Will Johnson talentu handiko musikari aipagarriak gidatzen duen taldeetako bat da. Centro-Matic taldeko liderra ere bada. Mahai gainean jarriko dute taldearen azken grabaketa, “The Carlton Chronicles”. Rockaren zintzotasunari buruzko galdera orori emandako erantzun argia. Talde zabalak ez ditu moldaketa izugarriak egingo ez eta orkestazio handiak eta esperimentazio nabarmenak ere. Abesti xumeak joko dituzte elektrizitate garbiarekin, gitarra akustikoekin eta pianoa, banjoa, lap steel eta antzeko beste instrumentu batzuk bidaia lagun dituztela. Mugimendu leunak maisuki adieraziak egongo dira, eta country alternatibotik abiatuta (Lambchop taldeak ulertzen duenez) amaigabea dirudien malenkonia nagusituko da. Lehenengo zatian Swearing at motorists taldeko kantari Dave Doughamek parte hartuko du.