Robokop Kraus taldea herriko bost gaztek osatzen dute eta eszena-tokian alkandora, gorbata eta biga-rren eskuko trajez jantzita agertzen dira. Horrezaz gain, eta taldearen ize-nari erreparatuz gero, umore senik ez dute falta: izen artistikoa bere film gogokoenaren izena (Robocop) eta Peter Krausen (“Elvis alemaniarra” , Alemanian rock and rolla sartzea lortu zuen entertainer eta musikari ezaguna) abizena konbinatuz sortu dute.

Aurrez hori jakinda, garbi gelditzen da 1998an sortu zen Nürenbergeko talde energetiko honen orientazioa: funk eta hardcorez betetako punk rocka popeko ukituekin. Horrenbestez, taldearen benetako oinarria beren eguneroko bizitzara eramaten duten 60ko hamarkadako rock and rollean bilatu behar da: Robokop Krausekoek beren booking propioa egiten dute, diskoen azalak diseinatzen dituzte eta kontzertuen ostean groopie edo lagunen logeletan lo egiten dute. Hau da, rockari erabat lotuta bizi dira. Irailean azken diskoa kaleratu zuten “They think they are the Ro-bokop Kraus”, hau da bere lanen artean ulerterrazena eta ozarrena, soinu dantzagarriez eta beren diskoetako soinu ausartenez betea, poparen sentiberatasun paregabearen eraginarekin.

Lehenengo zatian Errenteriako Frida Pipol taldearen funky soinuak gozatzeko aukera izango dugu.