DIPUTATUEN KONTSEILUAREN ERABAKIA

Diputatuen Kontseiluak 2008ko otsailaren 26ko bileran ondorengo akordioa hartu du:

2006ko martxoaren 14ko 18/06 Foru Dekretuak Giza Eskubideetarako, Enplegurako eta Gizarteratzeko Departamentuko (gaur egungo Gizarte Politikako Departamentuko) haur, nerabe eta gazteen arloan diru laguntzak emateko oinarriak onartu zituen.

Aipatutako foru dekretuaren 2. artikuluak -Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 21.2 artikuluak dioenarekin bat etorriz-, aurreikusten du urtero deialdi bat egingo dela bertan arautzen diren laguntzak emateko.

Hain zuzen ere, erabaki honen xedea da deialdi hori egitea, horretarako eskumena Diputatuen Kontseilu honi dagokiolarik, baimendu beharreko gastuaren zenbatekoa kontuan hartuta.

Hori horrela, Gizarte Politikako Departamentuko foru diputatuaren proposamenez, Diputatuen Kontseiluak eztabaidatu ondoren, honakoa

ERABAKI DU

Lehena.

Onartzea Gizarte Politikako Departamentuko haur, nerabe eta gazteen arloko diru laguntzak emateko  deialdia 2008. urterako; deialdi hori erabaki honekin batera doa eranskin bezala.

Bigarrena.

Baimena ematea 1.450.064,00 eurotako gastua egiteko aipatu deialdiaren 2. atalean adierazitako kontu-sailen kargura eta bertan jasotako zenbateko partzialen arabera:

Erabaki hau behin betikoa da eta amaiera ematen dio administrazio bideari. Hortaz, erabaki honen aurka ADMINISTRAZIOAREKIKO AUZI ERREKURTSOA aurkeztu ahal izango dute interesatuek Donostiako Administrazioarekiko Auzietako epaitegietan, jakinarazpenaren biharamunetik hasita BI HILABETEKO epean. Bide hori erabili aurretik, BERRAZTERTZEKO ERREKURTSOA aurkez diezaiokete partikularrek Diputatuen Kontseiluari, aipatutako egunetik hasita HILABETEKO epean. Dena dela, egokitzat hartutako  beste edozein aurkez daiteke.

Denek jakin dezaten argitaratzen dena.

Donostia, 2008ko otsailaren 26a.

Departamentuko idazkari teknikoa,

Izptua.: Socorro Equiza Equiza.

ERANSKINA

Haur, nerabe eta gazteen arloan Gizarte Politikako Departamentuak 2008. urtean emango dituen diru laguntzen deialdia.

1. Araudia.

Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 21.2 artikuluarekin bat etorriz, haur, nerabe eta gazteen arloan Gizarte Politikako Departamentuak 2008. urtean emango dituen diru laguntzen deialdia egiten da.

Laguntza horien oinarri arautzaileak 2006ko martxoaren 14ko 18/06 Foru Dekretuan daude jasota (2006ko martxoaren 21eko 55 zk. Gipuzkoako Aldizkari Ofiziala).

Hain justu, deialdi hori aipatutako foru dekretuaren II eta VIII bitarteko eranskinetan aurreikusten diren laguntza motei dagokie.

Laguntzak emateko eta kuantifikatzeko irizpideak 2004ko apirilaren 13ko foru aginduan daude jasota (2004ko apirilaren 21eko 73 zk. Gipuzkoako Aldizkari Ofizialean argitaratutakoan).

Aipatutako araudiaz gain, Gipuzkoako Lurralde Historikoko diru laguntzen 2007ko martxoaren 27ko 3/07 Foru Arauak eta hori garatzen duten xedapenek arautuko dituzte emango diren laguntzak. Diru laguntzen kontrol finantzarioaren prozedura, berriz, Gipuzkoako Lurralde Historikoko Finantza eta Aurrekontu Araubidearen 2007ko martxoaren 27ko 4/07 Foru Arauak VII. Tituluko Bosgarren Kapituluan ezarritakoa izango da.

2. Aurrekontu kredituak.

• Deialdi horretarako onartutako aurrekontuko diru-hornidura 1.450.064,00 eurokoa da, honako aurrekontu egozpenaren arabera.

  - 56.000,00 euro, 0840.400.781.00.01 kontutik, II. eranskineko laguntzetarako.
  - 17.500,00 euro, 0840.400.481.00.05 kontutik, III. eranskineko laguntzetarako.
  - 54.000,00 euro, 0840.400.481.00.07 kontutik, IV. eranskineko laguntzetarako.
  - 605.064,00 euro, 0840.400.461.01.01 kontutik, V. eranskineko laguntzetarako.
  - 90.000,00 euro, 0840.400.481.00.04 kontutik, VI. eranskineko laguntzetarako.
  - 27.500,00 euro, 0840.400.481.00.05 kontutik, VII. eranskineko laguntzetarako.
  - 600.000,00 euro, 0840.400.761.01.01 kontutik, VIII. eranskineko laguntzetarako.

• Eskumena duen organoak handitu egin ditzake aurreko atalean aipatutako zenbatekoak, aurrekontuan bidezko aldaketa onartu eta gero. Zenbateko osagarri hori gauzatu ahal izateko baldintza izango da diru laguntzen ebazpena eman aurretik dagokion kreditua erabilgarritzat jotzea.

3. Betebeharrak eta dokumentazioa.

• Diru laguntzak eskatu ahal izango dituzte laguntza mota bakoitzarentzat 2006ko martxoaren 14ko 18/06 Foru Dekretuaren eranskin bakoitzeko 2. atalean ezarritako baldintzak betetzen dituzten elkarte edo erakundeek, baldin eta Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 12. artikuluaren arabera onuradun izatea galarazten dien egoeraren batean ez badaude.
• Eskaerak 2006ko martxoaren 14ko 18/06 Foru Dekretuaren 4.2 artikuluan ezarritako moduan aurkeztu beharko dira, Eranskin bakoitzaren 3. atalean ezarritako dokumentazioa erantsita.
• Onuradun izaera lortzeko, Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 12. artikuluak ezarritako debekuetan entitatea ez dagoela sartuta adierazten duen aitorpena aurkeztuko da eskaerekin batera.
• Diru laguntzak zuritzeko, Eranskin bakoitzean eskatutako dokumentazioa aurkeztu beharko da, gastuen frogagiriekin edo diru laguntzaren helburua bete izana egiaztatzeko balio juridikoa duen beste edozein dokumenturekin batera; gastuak frogatzeko, fakturak eta pareko froga balioa duten bestelako agiriak aurkeztu beharko dira.

4. Eskaerak aurkezteko epea.

2006ko martxoaren 14ko 18/06 Foru Dekretuaren eranskinetan jasotako laguntzak eskatzeko epeak ondoko hauek izango dira:

• II. eranskina: 2008ko apirilaren 18ra arte.
• III. eranskina: 2008ko martxoaren 14ra arte.
• IV. eranskina: 2008ko ekainaren 27ra arte.
• V. eranskina: 2008ko urriaren 31ra arte.
• VI. eranskina: 2008ko martxoaren 14ra arte.
• VII. eranskina: 2008ko apirilaren 18ra arte.
• VIII. eranskina: 2008ko ekainaren 27ra arte.

5. Prozeduraren izapidaketa eta ebazpena.

• Diru laguntzak emateko prozedura izapidetuko duen organoa haur, nerabe eta gazteen alorrean eskumena duen Zerbitzua izango da.
• Prozeduraren ebazpena foru diputatuari dagokio, beti ere departamentuko egitura organiko eta funtzionalari buruzko foru dekretuaren arabera eskumen hori Haur eta Gazteen zuzendariari ez badagokio, eta Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 9.1 artikuluak ezarritakoaren kalterik gabe.

6. Argitaratzea.

2006ko martxoaren 14ko 18/06 Foru Dekretuaren 5.2 artikuluak eta 1992ko azaroaren 26ko 30/92 Legeak, Herri Administrazioen Zuzenbide Arauei eta Administrazio Jardunbide Arruntari buruzkoak, 59.6.b) artikuluan ezarritakoari jarraituz, lehiaketa bidez emango diren diru laguntzen deialdien ebazpenak Gipuzkoako Aldizkari Ofizialean argitaratuko dira. Argitarapen horrek banakako jakinarazpena ordeztuko du eta jakinerazpena egintzat ulertuko da lege ondorio guztietarako hura argitaratu eta hurrengo egunetik aurrera. Jasota ez edukitzea ondorio horiek izateko oztopo izango ez bada ere, erakunde interesdunei ondoko bitartekoren baten edo batzuen bidez ere jakinaraziko zaie: ebazpena zerbitzuko web orrian sartuz (www.gipuzkoa.net/gazteria), edo posta elektronikoz, telefonoz, faxez... jakinaraziz.