Gipuzkoako Foru Aldundia

I. ERANSKINA

HAUR, NERABE ETA GAZTEEN ARLOAN GIZARTE POLITIKAKO DEPARTAMENTUAK 2008. URTEAN EMANGO DITUEN DIRU LAGUNTZEN DEIALDIA (2006KO MARTXOAREN 14KO 18/06 FORU DEKRETUAREN I. ERANSKINA: UDALEKUAK ETA UDAKO KANPALDIAK).

  • 1.- Araudia

    Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 21.2 artikuluarekin bat etorriz, haur, nerabe eta gazteen arloan Gizarte Politikako Departamentuak 2008. urtean emango dituen diru laguntzen deialdia egiten da.

    Laguntza horien oinarri arautzaileak 2006ko martxoaren 14ko 18/06 Foru Dekretuan daude jasota (2006ko martxoaren 21eko 55 zk. Gipuzkoako Aldizkari Ofiziala).

    Hain justu, deialdi hori aipatutako foru dekretuaren I. Eranskinean (udalekuak eta udako kanpaldiak) aurreikusten diren laguntza motari dagokio.

    Laguntzak emateko eta kuantifikatzeko irizpideak 2004ko apirilaren 13ko foru aginduan daude jasota (2004ko apirilaren 21eko 73 zk. Gipuzkoako Aldizkari Ofizialean argitaratutakoan).

    Aipatutako araudiaz gain, Gipuzkoako Lurralde Historikoko diru laguntzen 2007ko martxoaren 27ko 3/07 Foru Arauak eta hori garatzen duten xedapenek arautuko dituzte emango diren laguntzak. Diru laguntzen kontrol finantzarioaren prozedura, berriz, Gipuzkoako Lurralde Historikoko Finantza eta Aurrekontu Araubidearen 2007ko martxoaren 27ko 4/07 Foru Arauak VII. Tituluko Bosgarren Kapituluan ezarritakoa izango da.

  • 2.- Aurrekontu kredituak

    • Deialdi horretarako onartutako aurrekontuko diru-hornidura 135.000,00 eurokoa da, 1.0840.400.481.00.06 aurrekontu sailaren kargura.
    • Eskumena duen organoak handitu egin dezake aurreko atalean aipatutako zenbatekoa, aurrekontuan bidezko aldaketa onartu eta gero. Zenbateko osagarri hori gauzatu ahal izateko baldintza izango da diru laguntzen ebazpena eman aurretik dagokion kreditua erabilgarritzat jotzea.

  • 3.- Betebeharrak eta dokumentazioa

    • Diru laguntzak eskatu ahal izango dituzte 2006ko martxoaren 14ko 18/06 Foru Dekretuaren I. Eranskineko 2. atalean ezarritako baldintzak betetzen dituzten elkarte edo erakundeek, baldin eta Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 12. artikuluaren arabera onuradun izatea galarazten dien egoeraren batean ez badaude.
    • Eskaerak 2006ko martxoaren 14ko 18/06 Foru Dekretuaren 4.2 artikuluan ezarritako moduan aurkeztu beharko dira, I. Eranskinaren 3. atalean ezarritako dokumentazioa erantsita.
    • Onuradun izaera lortzeko, Gipuzkoako Lurralde Historikoko diru laguntzei buruzko 2007ko martxoaren 27ko 3/07 Foru Arauaren 12. artikuluak ezarritako debekuetan entitatea ez dagoela sartuta adierazten duen aitorpena aurkeztuko da eskaerekin batera.
    • Diru laguntzak zuritzeko, I. Eranskinaren 6. atalean eskatutako dokumentazioa aurkeztu beharko da, gastuen frogagiriekin edo diru laguntzaren helburua bete izana egiaztatzeko balio juridikoa duen beste edozein dokumenturekin batera; gastuak frogatzeko, fakturak eta pareko froga balioa duten bestelako agiriak aurkeztu beharko dira.

  • 4.- Eskaerak aurkezteko epea

    2006ko martxoaren 14ko 18/06 Foru Dekretuaren I. Eranskinean jasotako laguntzak eskatzeko epea 2008ko apirilaren 30ean amaituko da.

  • 5.- Prozeduraren izapidaketa eta ebazpena

    • Diru laguntzak emateko prozedura izapidetuko duen organoa haur, nerabe eta gazteen alorrean eskumena duen Zerbitzua izango da.
    • Prozeduraren ebazpena foru diputatuari dagokio, beti ere departamentuko egitura organiko eta funtzionalari buruzko foru dekretuaren arabera eskumen hori Haur eta Gazteen zuzendari nagusiari ez badagokio.

  • 6.- Argitaratzea

    2006ko martxoaren 14ko 18/06 Foru Dekretuaren 5.2 artikuluak eta 1992ko azaroaren 26ko 30/92 Legeak, Herri Administrazioen Zuzenbide Arauei eta Administrazio Jardunbide Arruntari buruzkoak, 59.6.b) artikuluan ezarritakoari jarraituz, deialdiaren ebazpena Gipuzkoako Aldizkari Ofizialean argitaratuko da. Argitarapen horrek banakako jakinarazpena ordeztuko du eta jakinerazpena egintzat ulertuko da lege ondorio guztietarako hura argitaratu eta hurrengo egunetik aurrera. Jasota ez edukitzea ondorio horiek izateko oztopo izango ez bada ere, erakunde interesdunei ondoko bitartekoren baten edo batzuen bidez ere jakinaraziko zaie: ebazpena zerbitzuko web orrian sartuz (www.gipuzkoa.net/gazteria), edo posta elektronikoz, telefonoz, faxez... jakinaraziz.

gipuzkoa.net