III. ERANSKINA

• Diru laguntza ebaluatzeko eta kopurua finkatzeko irizpideak

HAUR EDO GAZTE ELKARTEEN KOORDINAKUNDE EDO FEDERAZIOEN URTEKO JARDUERA PROGRAMAK AURRERA ERAMATEKO DIRU LAGUNTZAK

• 1.-Xedea

  Oinarri hauen xedea, haur edo gazte elkarteen koordinakunde edo federazioen urteko jarduera programak aurrera eramateko, elkarrekiko lehiaketa bidez, diru laguntzak ematea da.

• 2.-Entitate onuradunak

  • Haur edo gazte elkarteen koordinakundea edo federazioa osatuz, udalerriz gaindikoak diren gazte elkarteek jaso ahal izango dituzte laguntza hauek.
  • Laguntza hauek ematerakoan honako hauek ez dira aintzat hartuko:
    • Beste entitate batzuen menpeko sekzioak.
    • Lehentasunez eskolako edo eskola orduz kanpoko jarduerak egiten dituzten elkarteak.
    • Udalerri eremuko elkarteak.

• 3.-Aurkeztu beharreko dokumentazioa

  • Eskaera orriak ondoren adierazten den dokumentazioarekin batera aurkeztu beharko dira:
    • Elkartearen sarrera eta gastuen urteko aurrekontu xehea.
    • Eskatzaileak irekitako kontu korronte baten jabetasuna ziurtatuko duen agiria, diru edo aurrezki etxe batek emana. Agiri hori aurkeztu beharko da, bakar-bakarrik, diru laguntza bat lehenengo aldiz eskatzen denean edo kontuaren ezaugarriak aldatu direnean.

• 4.- Diru laguntzak ebaluatu eta kopuruak finkatzea

  • Aurkezten diren diru laguntza eskaerak Haurren, Gazteen eta Garapenerako Lankidetzaren Zerbitzuko batzorde bat aztertu eta baloratuko ditu, eta ondoren ebazpen proposamena igorriko dio organo eskumendunari. Batzordea osatuko dute Zerbitzuko buruak, dagokion Ataleko buruak eta Zerbitzuko teknikari batek.
  • Honako gastuak egiteko eman daiteke diru laguntza:
    • Federazioaren edo koordinakundearen koordinazio lanetan aritzen direnen gastuak.
    • Lokalaren gastuak: alokairua, argia, telefonoa...
    • Administrazio eta idazkaritzako gastuak.
    • Aldizkarietako harpidetzak eta material bibliografikoaren erosketak.
    • Koordinazio lanek eraginda lurraldearen barruan egindako bidaiak.
    • Federazioak edo koordinakundeak bultzatutako jarduerak egiteko instalazioen alokairuak sortutako gastuak.
    • Federazio edo koordinakundeko kideei begira antolatutako hezkuntza ikastaroek sortutako gastuak.
  • Irizpide hauen arabera egindako kalkuluen bitartez ezarriko da diru laguntza:
    • Programaren ezaugarriak:
      • Jasotzen dituen gaien balorazioa.
      • Proposatutako helburuen interesa, eta jarduerak helburuekin ongi uztartuta egotea.
      • Kudeaketa ebaluatzeko metodologia eta programaren emaitzak.
    • Oinarri soziala eta proiekzioa:
      • Federazioa edo koordinakundea osatzen duten elkarteen kopurua.
      • Federazioa edo koordinakundea osatzen duten elkarteetako kideen kopurua.
    • Finantza iturrien azterketa:
      • Elkartearen beraren sarrerak (kideen kuotak, materialen salmenta, argitalpenak, etab.) urte osorako aurreikusitako aurrekontuan osatzen duten portzentajea.
  • Aipatutako irizpide horiek aplikatuko dira Gizarte Politikako Departamentuko foru diputatuak oinarri hauek garatzeko ematen duen foru aginduan xedatzen den baremoaren arabera.
  • Emandako laguntzaren zenbatekoak ez du inoiz gaindituko Haurren, Nerabeen eta Gazteen Zerbitzuak gainbegiratu ondoren ateratzen den elkartearen aurrekontu defizitaren %100.
  • Eskaeran aurkeztutako datuen arabera egingo da diru laguntzaren hasierako kalkulua eta horren arabera emango dira laguntzak. Dena dela, diru laguntzaren behin betiko zenbatekoa, 6. oinarrian aipatzen den dokumentazioa aurkeztu ondoren egingo den jardueraren balantzeari lotuta egongo da.

• 5.-Diru laguntza ordaintzea

  Honela ordainduko da diru laguntza:

  • Zenbatekoaren %60, diru laguntza onartzen denean. Kontuan hartuta foru dekretu honetan aurreikusitako diru laguntzen erakunde onuradunen ezaugarriak, horiek ez dute bermerik aurkeztu beharko aurreratutako laguntzaren zenbatekoagatik.
  • Gainerako %40a, 6. oinarrian adierazitako dokumentazioa aurkeztu ondoren.

• 6.- Zuritu beharra

  • Entitate onuradunek ondorengo agiriak aurkeztu beharko dituzte urteko bakoitzeko azaroaren 1a baino lehen:
    • Jarduera memoria, Gipuzkoako Foru Aldundiko Haurren, Nerabeen eta Gazteen Zerbitzuak eskura jarriko duen gidoiaren arabera egina.
    • Gastu eta diru sarreren urteko balantzea, Haurren, Nerabeen eta Gazteen Zerbitzuak emandako ereduaren arabera egina.
    • Diruz lagundutako kontzeptuen arabera berezitako gastu eta sarreren ordainagirien zerrenda zenbakitua, burutzearen arabera antolatua, ordainagirien destino edo jatorria adieraziko duen azalpen bat ere eginez. Gastua, laguntza emandako kontzeptuetan egin beharko da.
    • Erakunde onuraduneko langileen ordainketa zurigarriak.
    • Diru laguntza emateko ebazpenean eska litekeen beste edozein agiri.
  • Diru laguntza jasotzen duten entitateek baimena eman beharko dute, ekintzak benetan egin direla zuritzeko Gizarte Politikako Departamentuak egiten dituen jarduketa guztietarako.

• 7.-Aurrekontua

  Diru laguntza hauen urteko deialdian zehaztuko dira aurrekontu programa eta zuzkidura.